”ሮበርት ሙጋቤ በቁጥጥር ስር ውለዋል፤ ደህንነታቸውም ይጠበቃል” ሲል የዛኑ ፒኤፍ ፓርቲ ይፋዊ የትዊተር ገጽ አስታውቋ።

ሮበርት ሙጋቤ በቁጥጥር ስር ውለዋል፤ ደህንነታቸውም ይጠበቃል ሲል የዛኑ ፒኤፍ ፓርቲ ይፋዊ የትዊተር ገጽ አስታውቋ።
የዙምባብዌ ጦር የሃገሪቱን ብሔራዊ ቴሌቪዥን ጣቢያ ከተቆጣጠረ በኋላ በሰጠው መግለጫ ”ይህ መፈንቅለ መንግስት አይደለም። የጦሩ ተልዕኮም ወንጀለኞችን በቁጥጥር ስር ማዋል እንጂ ሙጋቤን አይደለም” ብሎ ነበር።
ጦሩ ብሔራዊ ቴሌቪዥን ጣቢያን ከተቆጣጠረ በኋላ ጣቢያው የትግል ሙዚቃዎችን እያጫወተ ይገኛል።
በሃራሬ የምትገኝው የቢቢሲ ዘጋቢዋ ግን ”የጦሩ እንቅስቃሴ መፈንቅለ መንግስት ነው የሚመስለው” ትላለች።
ጦሩ ብሔራዊ ቴሌቪዥን ጣቢያን ከተቆጣጠረ በኋላ ”መፈንቅለ መንግሥት አይደለም” ብሏል
በተባበሩት መንግሥታት የዩናትድ ስቴትስ አምባሳድር የነበሩት ሳማንታ ፓዎር ”ግሬስ ሙጋቤ የሚፈጽሙት ተግባር ነው ጦሩ ይህን አይነት እርምጃ ለመውሰድ እንዲገደድ ያደረገው” ሲሉ ተናግረዋል።
በከፍተኛ ደረጃ የታጠቁ የሃገሪቱ የጦር ኃይል አባላት በሃራሬ ጎዳናዎች ላይ ዛሬ ጠዋት በብዛት ታይተዋል። ጦሩ የሃራሬ ጎዳናዎችን የትራፊክ እንቅስቃሴ ሲመሩ የሚያሳዩ ፎቶዎች ታይተዋል።
የዚምባብዌ ጦር
የደቡብ አፍሪካ መገናኛ ብዙሃን ሮበርት ሙጋቤ ስልጣን ለመልቀቅ ዝግጅት እያደረጉ ነው ሲል ተጨማሪ መረጃ ሳይሰጥ ዘግቧል።
ሙጋቤ ምክትል ፕሬዝዳነት የነበሩትን ኤመርሰን ምናንጋግዋን ከስልጣን ካባረሩ በኋላ በዙምባብዌ የፖለቲካ ውጥረት ነግሶ ቆይቷል።
ሙጋቤ ታማኝ አይደሉም ያሏቸውን ምክትላቸውን ከስልጣን አነሱ
ሙጋቤ ምክትላቸውን ታማኝ አይደሉም በማለት ከስልጣን ካባረሩ በኋላ የሮበርት ሙጋቤ ባለቤት የሆኑት ግሬስ ሙጋቤ ባለቤታቸውን በመተካት ቀጣይ የዝምባብዌ መሪ ይሆናሉ ተብሎ ነበር።

ለተጨማሪ መረጃ

Leave a Reply

Your email address will not be published. Required fields are marked *